Ақнұр Назар, Тұран ауданының тұрғыны:

Мен, Тұран ауданының тұрғыны ретінде, ауданымызда ұйымдастырылып жатқан «Таза Қазақстан» акциясына үлкен ризашылығымды білдіргім келеді. Бұл шара біздің күнделікті өмірімізге ғана емес, болашақ ұрпаққа да тікелей әсер етеді. Себебі, қоршаған ортаның тазалығы – ұрпақ денсаулығының кепілі.

Соңғы сенбілік барысында біздің көшелерімізде ауқымды жұмыстар атқарылды. Республика даңғылы, Гагарин көшесі, Темірлан тас жолы және Иляев көшесі бойындағы қоқыстар тазартылып, жасыл аймақтар ретке келтірілді. Әсіресе, көгалдандыру жұмыстарының жүргізілгеніне қатты қуандым. Жас ағаштар отырғызылып, бар болғандары әктелді. Бұл тек экологияға ғана емес, ауданымыздың көркін арттыруға септігін тигізетіні сөзсіз.

Осы орайда, мұндай шаралардың тек әкімдік немесе коммуналдық мекемелердің ғана міндеті емес, баршамыздың ортақ борышымыз екенін айтқым келеді. Әрбір тұрғын өзінің ауласын, көшесін таза ұстаса, біз үлкен нәтижеге қол жеткізер едік. Балаларымыз таза әрі қауіпсіз ортада ойнағанын қаласақ, тазалықты сақтау – әрқайсымыздың басты міндетіміз.

Акция барысында тұрғындар белсенділік танытып, бірі аула тазалады, бірі жасыл аймақты ретке келтірді. Бұл – халықтың ауызбіршілігінің нақты көрінісі. Өзім көпбалалы ана ретінде, мұндай шаралардың балалардың тәрбиесіне де үлкен әсер ететінін атап өткім келеді. Олар үлкендердің ісінен үлгі алып, табиғатты аялауды үйренеді. Балаларға тазалық мәдениетін сіңіру – олардың болашақта жауапкершілікті азамат болып өсуіне ықпал етеді.

Сонымен қатар, «Таза Қазақстан» акциясының аясында өткізілген сенбілік тек қоқыс жинаумен шектелмеді. Жасыл аймақты күтіп-баптау, гүлзарларды абаттандыру, көшелердің шетін ретке келтіру жұмыстары да қатар атқарылды. Мұның барлығы ауданымыздың ажарын ашып, тұрғындарға жайлы орта қалыптастыруға бағытталған игі қадам деп білемін. Мұндай шаралар тек тазалық үшін ғана емес, сонымен бірге қоғамда экологиялық мәдениетті қалыптастыруға үлкен үлес қосады.

Көшелердің таза әрі көрікті болуы тұрғындарға жақсы көңіл күй сыйлайды. Әсіресе, балалардың ойнайтын алаңдарының ретке келтірілуі мен қауіпсіздігіне назар аударылғаны қуантады. Бұл – әр отбасының өмір сапасына әсер ететін маңызды фактор.

Алдағы уақытта осындай сенбіліктер тұрақты түрде өткізілсе, ауданымыздың келбеті мүлде жаңарып, көркейе түсетініне сенімдімін. «Таза Қазақстан» – жай ғана акция емес, ол – болашағымыздың кепілі, өміріміздің мәдениет деңгейін көрсететін игі бастама. Сондықтан біз әрдайым мұндай шараларды қолдап, белсенді атсалысуға дайынбыз. Тазалықты сақтау – бүгінгі ұрпақтың ғана емес, ертеңгі күннің аманаты.